إلهام شاهين عن جائزة ساويرس الثقافية: بتطمنا على جيل رائع.. خاص

تحدثت الفنانة إلهام شاهين، عن الدورة 19 لجائزة ساويرس الثقافية، التي أقيمت مساء أمس الإثنين بالجامعة الأمريكية.

وقالت إلهام شاهين، ل"مصر الآن" : الكتابة بالنسبة لينا إحنا هي الأساس عشان أعمل على مسرحي مستواه عالي أو مسلسل تلفزيوني أو فيلم، والنهاردة الجوايز للكتابة السينمائية والمسرحية والروائية والكتاب مهم أوي نشجع الناس ترجع تقرا وتقرا موضوعات مهمة ومفيدة.

وتابعت: بشكر عائلة ساويرس لدعمهم للثقافة والفنون بالذات لفن الكتابة، وبيدعمونا في السينما بمهرجان الجونة والنهاردة من خلال حفل ساويرس والمؤسسة.

وأضافت: مبروك لكل الفائزين بجوائز الإبداع وسمعت بيقولو أكتر من 1000 فنان من الشباب الجداد اتقدم بموضوعات فده شيء يطمن ورائع ومعناه إن فيه جيل رائع ومهتم، حتى اللي مفازوش لازم يكون في أعمال مميزة، أنا دايمًا متفائلة وإن شاء الله خير واللي جاي أحسن.

واوضحت: قبل كده فازت مريم نعوم أول سيناريو ليها فيلم واحد صفر واشتغلت فيه مع المخرجة كاملة أبو ذكري، وكان من أروع الأعمال واخد 50 جايزة وكان بيلف في المهرجانات الفنية لمدة 3 سنين.