صلاح محسن يصدر بيان اعتذار ويعلن انفصاله عن زوجته

أصدر صلاح محسن، لاعب الفريق الأول لكرة القدم بالنادي الأهلي، بيان اعلن من خلاله الاعتذار عن ما قامت به زوجته خلال الساعات القليلة الماضية.

وكتب صلاح محسن عبر حسابه الرسمي على موقع التواصل الاجتماعي "إنستجرام"، في البداية بعتذر لكل الناس عن الحاجات اللي انتشرت دي وأنا مش هعلق غير بحسبي الله ونعم الوكيل، الخلافات الزوجية، عمر مكانها ما كان السوشيال ميديا والخلافات دي كانت من فترة وحساباتي كانت معاها وللأسف محادثات اتفبركت لتشوية صورتي وبغرض الانتقام والقضاء على مستقبلي في كرة القدم.

وتابع: "فيه حاجات كتير مش هينفع اتكلم فيها لأنها مهما كانت أم أولادي ومش هتكلم دلوقتي احتراما للناس واحتراما لأنها كانت في يوم من الأيام أقرب الناس ليا، وأنا بعتذر بالنيابة عن بيتي لكل الناس لأن الخلافات مش مكانها السوشيال ميديا وحقي هاخده بالقانون آسف لكل الجمهور".

وأضاف: "مركز في مستقبلي من زمان ومركز جدا في تمريني ويجتهد لأن طموحي كبير جدا وعمر الحاجات دي ما هتوقف طموحي حتى لو كان غرضها كدا، ودي محنة كبيرة وصدمة ليا بس في الآخر حقي هاخده وعند الله تجتمع الخصوم".

واسترسل: "الانفصال بيني وبين الأستاذة اللي كانت في يوم من الأيام مراتي، وهي أم أولادي، كان من فترة، واللي حصل غرضه تشوية صورتي والقضاء على مستقبلي".

وفي نفس السياق، وجهت زوجة صلاح محسن، العديد من الاتهامات إلى اللاعب، خلال الساعات القليلة الماضية، حيث وقع بينهما العديد من المشاكل خلال الفترة الأخيرة، لتقوم زوجته بنشر بعض الصور الغير جيدة للاعب.