حمو بيكا للمطرب محمود العسيلي: موضتك راحت

هاجم مؤدي المهرجانات الشعبية حمو بيكا، المطرب محمود العسيلي، بعد تصريحه الأخير الذي أشار خلاله إلى انتهاء موضة المهرجانات، وذلك خلال لقائه في برنامج ورقة في ملف الذي يقدمه الإعلامي هيثم بسّام على قناة النهار.

وقال حمو بيكا: يبقى هو كمان موضته اتغيرت، لو نزلت دلوقتي الشارع وقولت تعرف حمو بيكا ولا محمود العسيلي هيقول حمو بيكا.

وتابع: هو اتكلم عن عصام صاصا وقال فيه واحد اسمه عصام صاصا طلاما عرفته يبقى سمعته، إحنا بنحترمك واللي يحترم يُحترم.

وأضاف: مينفعش حد يجبلي سيرتك وأقول موضة قديمة هتنتهي يبقى أنا مش سامعلك أي حاجة في السوق.

أما عن تعامله مع الفنان مصطفى كامل نقيب المهن الموسيقية، أردف حمو بيكا: بحبه جدًا وحد محترم وهو اللي واقف جمبنا وكان نفسنا في ده من زمان وساعدنا وكفاية لو الساعة 3 الفجر أو 5 الفجر وعندي مشكلة واتصلت بيه بيرد عليا وأقوله والاقيه باعتلي مناديب وناس نزلالي بتحللي مشكلة ومتابعنا خطوة بخطوة وربنا يخليه لينا.