سارة نخلة: عملت تجميل عشان أرجع خلقة ربنا من جديد

علقت الفنانة سارة نخلة، عن أزمة الإعلامية ريهام سعيد وما تعرضت له من تشوه بعد إجراء عملية تجميل فاشلة على يد الطبيب اللبناني نادر صعب، وذلك خلال تقديمها حلقة جديدة من برنامجها Face off عبر قناة هي.

وقالت سارة نخلة: عملت عملية تجميل في حواجبي عشان أرجع خلقة ربنا تاني، عملت حاجة وعدلتها لما بقيت أنضج وأوعى.

وأضافت: شلت شعر من شعري وزرعته في حواجبي بعد ما كنت عاملة تاتو يا ريت محدش يعمل تاتو ولا مايكروبليدينج عشان مضرة وفي حظ في عمليات التجميل

وتابعت: مش قادرة أشوف ريهام سعيد وحشة عشان بشوفها من جوة عشان بحبها، اللي عايزة اقوله مفيش ست وحشة حبي نفسك.