حسن الرداد: إيمي طلبت الطلاق وإحنا في الطيارة مسافرين شهر العسل

تحدث الفنان حسن الرداد، لأول مرة عن ما حدث ما حدث بينه وبين زوجته الفنانة إيمي سمير غانم أثناء سفرهما لقضاء شهر العسل، وذلك خلال لقائه في برنامج كلام نواعم على شاشة قناة mbc1.

وقال حسن الرداد: أعتقد أن عقل الرجل في أوقات كتير بيكون السبب لأن الست أسهل كلمة عندها خصوصا في سنوات الزواج الأولى طلقني.

وتابع: أقسم بالله وإحنا لسه في الطيارة بهزر معاها ومعرفش إنها بتخاف من الطيران، وأنا في الطيارة ببقى كأني ماشي في البيت متحمس وبحب أتحرك وأفضل أقول الطيارة هتقع، لقيتها قعدت تعيط وتقولي طلقني وزعلت وفضلت أصالحها لحد ما وصلنا المكسيك.

وأضاف: في بداية الجواز البنت لما بتضايق بتلاقي كلمة طلقني دي سهلة، لو الراجل ممسكش دماغه في كل المرات ممكن يحصل الانفصال، أول سنين جواز من وجهة نظري وتجربتي بيبقوا صعبين أوي عشان تفهموا طباع بعض، وبعد كده في صعوبات أنكم تخلقوا حاجات جديدة والحياة بين الاتنين المتجوزين عايزة نفس طويل.