أحمد سعد يؤكد: أنا مش سينجل.. وهبقى تريند رقم 1

أعلن المطرب أحمد سعد، أنه ليس سينجل، وذلك خلال تصريحات تليفزيونية له عقب مشاركته في حفل فبراير الكويت.

وقال أحمد سعد: حسيت النهاردة إن نجاحي تم الحمدلله بوجودي في مهرجان فبراير الكويت، مضيفًا: كان حلم من أحلام حياتي أكون موجود في فبراير الكويت اللي يعتبر من أهم وأكبر المهرجانات على مر العصور، وتابع: كنت بعدي وأنا صغير قدام المسرح وأشوف الأساتذة الكبار.

وأوضح سعد: أنا مش سينجل خالص، وكلمة سينجل بتتقال في إطار الكابل، لكن أنا بصراحة مليء بحب الناس، أنا أكتر واحد عندي نسبة حب عند الجمهور هتشوفوا النهاردة الناس بتحبنى قد إيه وأهلى الحمدلله بيحبوني وراضين عني.

وتابع: الجمهور الكويت دائما واقف جنبي، ممكن أكون تريند رقم 2 في مصر، بس الأكيد أنا هبقى تريند رقم 1 في الكويت.