فيفي عبده: مش خايفة من الموت وبدعي ربنا أعيش 100 سنة

أكدت الفنانة فيفي عبده، أنها لا تخشى الموت، وذلك خلال لقائها في برنامج عندي سؤال من تقديم محمد قيس عبر قناة "المشهد".

وقالت فيفي عبده: مش خايفة من الموت وشفت تربتي وموضباها لكن نفسي ربنا يديني عمر شوية لأني لسه معشتوش، كل ما أركع وأصلي أقوله يارب إديني شوية عمر عايزة أعيش أكتر من كده عايزة أعيش 100 سنة مثلا.

وتابعت: ليلى عبد اللطيف قالت إني هعيش لـ80 سنة قابلتها في الطيارة قلت لها مش عاجبني الـ80 دول هل من مزيد؟ خافت مني قالتلي خلاص 90، العمر بإيد ربنا، نفسي أعيش 100 سنة أشوف اللي بحبهم أشوف وأعيش مع أحفادي.

وأوضحت: مواجهة ربنا أنا مطمنة طول عمري ماشية بما يرضي الله مظلمتش حد بساعد الغلبان أنا غلبانة زيهم، إنسانة واضحة كل دي حاجات تخليك تبقى مطمن في الحياة، لكن ربنا هيعمل فيا إيه أنا راضية بكل حاجة، ربنا يهديني لو جاتلي الهداية هقولها إيه لأ كخ.