نجل الراحل هشام سليم ينهار من البكاء: قلبي وجعني ومش عارف أنام من اللي بشوفه في غزة

أعرب نور نجل الفنان الراحل هشام سليم، عن حزنه الشديد بسبب الأحداث الأليمة التي تعيشها فلسطين، وذلك من خلال مقطع فيديو نشره على حسابه الشخصي، بموقع إنستجرام.

وظهر نور، خلال الفيديو وهو يبكي قائلا: إحنا مينفعش ننسى اللى بيحصل في فلسطين، أنا عارف إن حياتنا ماشية، ومفيش أي مشكلة عندنا أكل ومياه وعندنا بيوتنا وكل حاجة تمام.

وتابع: إحنا كل يوم نفكر في اللى بيحصل ده إحنا مينفعش ننسى ونعيش حياتنا عادي أنا مش عارف أعيش حياتي عادي، كل ما آكل بزعل كل ما بنام في سريري بزعل ومش عارف أنام من اللي بشوفه.

وأضاف: وقاعد بفكر في العيال اللي بتموت كل يوم ومش قادر نعمل حاجة، قلبي وجعني ومش قادر أتكلم من الزعل، والمصريين مافيش في جدعنتهم.

رحل هشام سليم عن عالمنا يوم 22 سبتمبر عام 2022، بعد معاناته مع مرض السرطان، وذلك في أحد مستشفيات القاهرة الكبرى، عن عمر ناهز 64 عامًا، وتم تشييع جثمانه من مسجد الشرطة في منطقة الشيخ زايد، بحضور العديد من نجوم الفن والمجتمع.