بوسي عن زواجها هشام ربيع: كان مطلق أنا متجوزش راجل متجوز أنا مش واقعة

تحدثت المطربة الشعبية بوسي، عن زواجها مصفف الشعر هشام ربيع، خلال لقائها في أحد البرامج التلفزيونية.

وقالت بوسي: هشام ربيع راجل محترم، ولما اتجوزته كان مطلق أنا متجوزش راجل متجوز أنا مش واقعة، وهو مطلقش مراته علشان يتجوزني، وهي اللي كانت عايزة ترجعله وقالت علشان عيالي وأنا وافقت علشان عندي عيل وهو قالي اقفي جنبي.

وتابعت: هشام ربيع اتحبس علشان يحميني من العصابة اللي كانت بتستنزفني بقالي أكتر من 10 سنين بياخدوا فلوس وبس، اللي هما طليقي وإخواته والمحامي بتاعه دول عالم نصابين واتهمونا أننا سرقنا شيكات.

أما عن طرحها الأغاني أثناء فترة سجن هشام ربيع قبل انفصالهما: ربنا يعلم أنا عملت إيه لهشام ربيع وهو في السجن، والله يسامح اللي وصلوا له كلام غلط وشغالين على ودانه، وفي ناس كتير مش حابين وجودنا مع بعض، وهو عارف الحقيقة وأني عمري ما أسيب جوزي، والناس قالت أني بنزل أغاني وجوزي محبوس، ما ده أكل عيشي.

ووجهت بوسي رسالة لطليقها هشام ربيع، قائلة: هشام أنت عارف ومتأكد أني مشوفتش حد وقف جدع ولا في رجولتك، وأنت فعلًا تستاهل كل حاجة حلوة في الدنيا على قد ما أنت كريم وطيب، أنا مشوفتش حد بنضافته ولا طيبة قلبه، ولا هشوف حد في رجولته ولا حنيته ولا كرمه، وهو عارف أن أنا لسة بحبه.