بوسي عن طليقها وليد فطين: أتجوز عليا راقصة علشان ياخد فلوسها

تحدث المطربة بوسي، عن علاقتها بطليقها الراحل المنتج وليد فطين، خلال لقائها في برنامج العرافة الذي تقدمه الإعلامية بسمة وهبة.

وقالت بوسي: عرف يوقعني ويتجوزني عشان هو بيتجوز النمرة اللي هيمسكها وأنا كنت المطربة الوحيدة اللي مسكها.

وتابعت: اتجوز كتير بعدي واتجوز عليّ رقاصة واكتشفت الموضوع بسبب طمعه، اتجوز واحدة تانية عشان ياخد فلوسها، وهي راقصة ليست معروفة.

وأكدت: لما كنت بشتغل معاه، مكنتش باخد غير 400 جنيه في النمرة رغم إن المفروض ليّ نسبة، وكان بياخد من ورايا فلوس كتير، وقتها كان أقل واحد بينقطني بـ5 آلاف جنيه، مثلا كان بيترمي عليّ حوالي 200 ألف جنيه في اليوم تقريبا كنت باخد منهم 400 جنيه، كنت بلا إرادة يعني بالسحر والأعمال وبالتالي وافقت، وأخته اللي كانت بتعمل السحر.