أول رد من تامر حسني على منتقدي تقديمه إعلان شيبسي

رد الفنان تامر حسني، على منتقدي تقديمه إعلان شيبسي، وذلك من خلال منشور كتبه عبر حسابه الرسمي، بموقع تبادل التواصل الاجتماعي فيسبوك.

وقال تامر حسني: مساء الخير عليكم .. بقالي يومين بتابع اللي بيحصل و احتراماً للجميع .. انا بوضح حاجه بخصوص إعلان شيبسي الاخير. 

وتابع:أولاً .. أنا على قوة الشركه من سنتين قبل أي أحداث و ده مش أول إعلان ده ثالث اعلان في عقدي ، معلش احياناً الكلام عند بعض الناس  بيبقى سهل و تحديداً لما بيكون بدون علم بالعقود و بحيثيات الموضوع كله.
وأضاف: ثانياً .. انا مضيت على عقد مكتوب فيه ان شيبسي  شركه مصريه و لها سجل تجاري ضريبي مصري منفصل و البند قدامكم اهوه لصدق كلامي.

وأوضح:ثالثاً .. و الاهم  لاي حد بيشكك في انتمائي للقضيه الفلسطينيه هقوله  انا من ٢٠ سنه و انا في ضهر القضيه و مش كلام و اغاني بس لا …. انا روحت بنفسي معبر رفح اثناء الضرب لمساندة اهالينا هناك بأكبر حملة    معتقدش في حد هيخاطر بحياته و يروح بنفسه معبر رفح اثناء الضرب مجامله مثلاً …!!.
وأوضح:أخيرا  …. انا لما قررت اكون الوجه الاعلاني لشيبسى من سنتين لانه منتج مصري كل المصريين بيحبوه  و البطاطس من الفلاحه المصريه و بيتباع في مصر بس و اتربينا عليه و الاهم ان الشخص البسيط يقدر يشتريه في  ظل ظروفنا الاقتصاديه و اظن ده واضح في الاعلان  .. ده كان شعوري الشخصي اتجاه الحمله وانا بمضيها من سنتين  عشان كده كان واجب عليا التوضيح للجميع و للّي مش واصلاله الصوره بكل احترام .. و شكراً لكل اللي ردوا عني  و هما مغمضين حقيقي انتوا نعمه كبيره من ربنا  ألف شكر و رمضان كريم على الجميع.