فيفي عبده: هدرب بنتي عزة على الرقص علشان تقدم قصة حياتي

كشفت الراقصة فيفي عبده، عن أنسب شخصية تقدم قصة حياتها في عمل فني، وذلك خلال لقائها في برنامج حبر سري.

وقالت فيفي عبده: لو عملت قصة حياتي هختار عزة بنتي تجسدني وهدربها على الرقص وهي شرباني وممثلة مجتهدة وشاطرة.

وأوضحت: رفضت الظهور كضيف شرف واعتذرت لأن ده مبدأ عندي بطولة أو أسيب الدور، ممكن أوافق على عمل بطولة جماعية أو بطولة أكثر من شخص إنما أعمل مشهد أو دور صغير ممكن يكون حاجة كويسة بس داخليا مقدرش أعمل ده، وأنا ناجحة وجماهيريتي كبيرة وسط الناس.

وأكدت: الأمان بحس به في بلدي أكثر من أي حاجة ولو مسافرة بحس بأمان عادي ولكن مصر حاجة تانية وفيها أولادي في حضني وأهلي وده الأمان، وفي مرة راحت فلوسي كلها وضاعت مني ووقعت من العباية تحت ايدي وجبتها تاني بره مصر، مؤكدة أن المصريين بيتحسدوا على الأمان اللي في مصر ومصر عامرة.