ليلى أحمد زاهر تضع صناع مسلسل أعلى نسبة مشاهدة في ورطة بعد انتهاء عرضه.. تفاصيل

وضعت الفنانة ليلى أحمد زاهر، صناع مسلسل أعلى نسبة مشاهدة في مأزق بعد انتهاء عرضه في النصف الأول من شهر رمضان الكريم وتحقيقه نجاحا كبيرا، وذلك بسبب تصريح مثير عن رسالته تعارض مع تصريحات المؤلفة.

وقالت ليلى أحمد، خلال لقائها في برنامج تفاعلكم: مش رسالتنا خالص في المسلسل إن لو حد عمل كده وفي السجن يخرجوه وحرام وكده، لا خالص، اللي غلط معروف إنه بيتعاقب عشان ميرجعش يغلط تاني.

وتابعت: في حاجات مش كويسة على تيك توك وناس غصب عنها، زي نسمة وشيماء محدش يهتم بيهم أو يقول لهم كلام حلو أوي، الأم بتضايق شيماء وتوريها الحاجات السلبية، لو الأهل ربونا إنهم بيحبونا ويدونا اهتمام مش هنروح برا.

وأضافت: في ناس بتروح تيك توك عشان محدش مهتم بيها، فتدخل تكلم ناس متعرفهاش وتعمل حاجات غريبة، من وجهة نظري أنا ضد بعض الحاجات اللي بتحصل، لازم تكون في رقابة وخطوط حمراء.