محمد محمود يكشف سر نجاح مسلسل أعلى نسبة مشاهدة.. خاص

كشف الفنان محمد محمود، سر نجاح مسلسل أعلى نسبة مشاهدة الذي عرض في النصف الأول من شهر رمضان الكريم.

وقال محمد محمود، خلال لقائه مع "مصر الآن"، : الحمدلله النجاح الكبير اللي حققه مسلسل أعلى نسبة مشاهدة كرم كبير من ربنا، ومكنتش متوقع أنه يحقق نجاح زي كده، وأكيد السبب في نجاحه أننا تعبنا جدا فيه، غير أنه بيناقش قضية مهمة جدا موجودة في كل بيت وهي السوشيال ميديا.

وأضاف: رسالة مسلسل أعلى نسبة مشاهدة بتتلخص في أن الأهالي تخلي بالها من ولادهم، ويتعاملوا معاهم بشكل حنين ويصاحبوهم بحيث لما يعملوا غلطة يجيوا يعترفوا بيها ليهم.

وأكد محمد محمود: ليلى أحمد زاهر نجحت بطريقة محدش يتخيلها لدرجة أن الناس كرهتها بسبب دورها في المسلسل، ولما ضربتها الناس على السوشيال ميديا كانوا بيقولولي ياريت تضربها كمان.