كيف حول عمر كمال الهجوم عليه بسبب سيارته الفارهة إلى التعاطف معه؟

استطاع مطرب المهرجانات الشعبية عمر كمال، خلال الساعات الماضية تصدر تريند مواقع السوشيال ميديا، وذلك بعدما رد على منتقدي ظهوره بسيارات فارهة، حيث نشر مقطع فيديو له بموقع تبادل الصور والفيديوهات إنستجرام.

وقال عمر كمال، في الفيديو: لما كنت بشتغل في الشركة الألمانية وبقف على رجلي 12 ساعة في الأمن والحراسة، عمري ما قلت كلمة اشمعنى، وكنت بتعامل مع الناس بشكل جيد جدا.

وتابع: ولما كنت شغال في بنزينة كنت بجمع الجنيه والاتنين جنيه التبس بتاعي عشان مكنش ليا قبض، وشغال بالتبس بس، ولما كان بيخش عليا عربية ماركات عالية مبقلوش أمه اللي جيبهاله وبقول الحمد لله، ومكنتش بقول اشمعنى أبدًا وكنت بقول الحمد لله.

وأكد:  أنا بنجح، أفضل وسيلة للانتقام النجاح، عشان اللي يقلل مني ميعرفش يطولني ويشوفني من بعيد يقول إنه كان يعرفني في يوم من الأيام، أنجح عشان في قلوب عايزك تفرحها، وعيون لازم تكسرها، الحياة مش عايزه الضعيف ولا الشكاي ولا النداب، الحياة بتجري أنجح.