اخترتله الأغاني ولبسته جزمة ضيقه.. ماذا فعلت تاليا مع والدها تامر حسني في حفل تحرير سيناء؟

كشف الفنان تامر حسني، كواليس حفله الذي قدمه ضمن احتفالات عيد تحرير سيناء، وذلك من خلال مقطع فيديو نشره على حسابه الرسمي، بموقع تبادل الصور والفيديوهات إنستجرام.

وقال تامر حسني: اللي جنبي هو استاذ عمرو مخرج الحفله صاحبي و كنا في كلية اعلام مع بعض و فرحت اوي لما شوفته يومها بيخرج حدث مهم كده.

وأضاف: أما حبيبة قلبي تاليا جاتلي من اول اليوم قالتلي انا النهارده مديرة اعمالك و هتسمع كلامي في كل حاجه قولتلها حاضر بس الشغل مفيهوش هزار ركزي في كل التفاصيل، قالتلي حاضر و طلعتلي البدله اللي عجباها و جزمه ضيقه عليا، بس هي صممت عليها وأنا قولت حاضر.

وتابع: اختارت لي الاغاني و رتبتهم و ماشيه جانبي بقى عامله وش الجد، ومش بتهزر قال يعني كده مديره لحد ما اتكسفت كده و الطفله اللي جواها اللي بموت فيها ظهرت في الضحكه ربنا يحفظك يا حبيبتي و يحفظ كل ولادنا .

https://www.instagram.com/reel/C6RUY3EItJl/?igsh=MWk4cWg2ZW5tdWJqNQ==