لماذا رفض عمر كمال الظهور مع رامز جلال؟.. مفاجأة

كشف مطرب المهرجانات الشعبية عمر كمال، سر رفضه الظهور مع في برنامج رامز جاب من الآخر الذي قدمه النجم رامز جلال في الموسم الرمضاني السابق 2024.

وقال عمر كمال، خلال حواره على شاشة قناة النهار: كنت عارف أن في طرف تاني هيطلع في البرنامج وأنا مش عايزه، هي واحدة أنا مش عايز أظهرها للجمهور أو تظهر معايا في صورة واحدة.

وتابع: أنا كنت عارف فكرة البرنامج وكلموني فعلا ومقالوش مين هيطلع معايا لكن عرفت مين هي ورفضت لأني مش حابب اسمي يرتبط بالعلاقة دي، مكنش فارق الفلوس أنا كده كده الحمد لله بشتغل.

وأوضح: أظن حسن شاكوش مكنش يعرف ولو كان يعرف مكنش هيروح، وبزعل لما اتنين شفت بدايتهم وألاقي النهاية بالشكل ده بدايتهم كانت حلوة وعملنالهم فرح جميل، أنا عاشرت حسن شاكوش في كل حاجة سفر ونجاح وخناقات، هو في حاجة أكيد بينهم محدش قالها، أنا مش بشوف حسن بشع للدرجة دي، حسن كان متقبل وكان ممكن يكمل لو اتقال كلمة كويسة، ولكن رد فعل طليقته كان مبالغ فيه.