ياسمين عبدالعزيز:دخلت مجال الإعلانات علشان اصرف على نفسي بعد انفصال والدتي ووالدي

كشفت الفنانة ياسمين عبدالعزيز، لأول مرة كواليس دخولها مجال الإعلانات في طفولتها، وذلك خلال لقائها في برنامج صاحبة السعادة الذي تقدمه الفنانة إسعاد يونس عبر شاشة قناة dmc.
وقالت ياسمين: ما كان عندي 12 سنة أهلي رفضوا دخولي عالم الإعلانات، ولكن في البداية كنت بتفرج على البنات في الإعلانات واقف قدام المراية واقلدهم  وتخيلت نفسي في الحاجة اللي أنا عايزاها.
وتابعت: سبحان الله فيه واحدة صاحبة أمي اسمها دينا بتشتغل في شركة إعلانات وشافتني وقالت لي تعملي اعلانات فقلت لها طبعا وأمي وقتها قبلت لكن أبويا أخويا الكبير رفضوا وقالوا لأ وهما أصلا في الفترة دي كانوا منفصلين عن بعض.
وأضافت: أمي وأبويا منفصلين من وانا عندي 9 سنين وانا كنت عايزة أعمل إعلانات واتحمل مسئولية نفسي وأكسب فلوس وأعمل حاجة وأبقى ناجحة.
وأوضحت: لما دخلت في شغلانة الإعلانات وانا عندي 12 سنة أمي كانت بتيجي معايا التصوير، بس هي ست طيبة جدا وانا اللي كنت بتفق علي الفلوس وعلى الإعلان اللي أقبل أعمله.