لسه بعشقه وقلبي وجعني.. ياسمين عبد العزيز تكشف تفاصيل معاناتها بعد انفصاله عن العوضي

كشفت النجمة ياسمين عبد العزيز، تفاصيل جديدة بشأن انفصالها عن زوجها الفنان أحمد العوضي، خلال حوارها في برنامج صاحبة السعادة للفنانة إسعاد يونس.

وقالت ياسمين عبد العزيز: إحنا مطلقناش من فراغ كان في بينا مشاكل كتير قبلها، والناس المقربة مننا كانت عارفة، وأكيد ليلى عبد اللطيف عرفت من كده لأن أنا مؤمنة أن الغيب لا يعلمه إلا الله.

وتابعت ياسمين حديثها: أنا مش بحب أحمد العوضي بس لا دا أنا لسه بعشقه، وعارفة أن أناأحمد العوضي بيحبني، وهو عارف أني بحبه، بعيدا عن في سبب من الأسباب مينفعش أطلع أتكلم في ومش خيانة خالص، وفي ناس مش بيعملوا حاجات بقالهم فترة غير أنهم يأذوني.

وأردفت: أنا مش هينفع أتكلم في تفاصيل الموضوع، والجمهور اللي بيحبونا عايزنا مع بعض، لأنهم حبونا مع بعض، وفي ناس بتتمنى لينا الشر والأذي، هما قاعدوا يقولوا أننا شوفنا بعض في حفل سحور برمضان، ودا محصلش خالص، يا جماعة ارحمونا بجد بلاش كلام بيتقال كدب.

وأكدت: من ساعة ما الطلاق ما حصل وأنا حاسة أني في حاجة في قلبي وجعاني، ومش عارفة لو شفته في مكان عام هعمل أية، وطول الوقت بهرب، بفتح كل مواقع التواصل الاجتماعي الاقي صورنا مع بعض بتوجع أوي، وبالذات لو أنتِ كمان بتحبي الشخص دا.