وائل عبدالعزيز يثير الجدل بشـأن عودة شقيقته ياسمين للعوضي.. ماذا قال؟

أثار الفنان وائل عبدالعزيز شقيق النجمة ياسمين عبد العزيز، حالة من الجدل بين رواد السوشيال ميديا، وذلك بعد أن دون منشور على حسابه الشخصي، بموقع تبادل التواصل الاجتماعي فيسبوك.
وقال وائل في المنشور: اللي يسعدك يسعدني والجاي أحلي وكله خير والمياه هترجع لمجاريها والكل هيتراضا، ربنا يصلح حالنا وحالكم.
وعلقت إحدى متابعيه على المنشور قائلة: يعني هترجع للعوضي فرحني بالله عليك، ليرد عليها قائلًا: هيحصل، وهو ما يدل على أن  البعض تدخل لحل المشاكل بين ياسمين والعوضي.
وكانت صرحت ياسمين عبد العزيز، في برنامج صاحبة السعادة، أنها ما زالت تحب الفنان أحمد العوضي، موضحة: إحنا مطلقناش من فراغ كان في بينا مشاكل كتير قبلها، والناس المقربة مننا كانت عارفة، وأكيد ليلى عبد اللطيف عرفت من كده لأن أنا مؤمنة أن الغيب لا يعلمه إلا الله.
وتابعت ياسمين حديثها: أنا مش بحب أحمد العوضي بس لا دا أنا لسه بعشقه، وعارفة أن أناأحمد العوضي بيحبني، وهو عارف أني بحبه، بعيدا عن في سبب من الأسباب مينفعش أطلع أتكلم في ومش خيانة خالص، وفي ناس مش بيعملوا حاجات بقالهم فترة غير أنهم يأذوني.
وأردفت: أنا مش هينفع أتكلم في تفاصيل الموضوع، والجمهور اللي بيحبونا عايزنا مع بعض، لأنهم حبونا مع بعض، وفي ناس بتتمنى لينا الشر والأذي، هما قاعدوا يقولوا أننا شوفنا بعض في حفل سحور برمضان، ودا محصلش خالص، يا جماعة ارحمونا بجد بلاش كلام بيتقال كدب.
وأكدت: من ساعة ما الطلاق ما حصل وأنا حاسة أني في حاجة في قلبي وجعاني، ومش عارفة لو شفته في مكان عام هعمل أية، وطول الوقت بهرب، بفتح كل مواقع التواصل الاجتماعي الاقي صورنا مع بعض بتوجع أوي، وبالذات لو أنتِ كمان بتحبي الشخص دا.