خطيبة مسلم تكشف حقيقة إهدائها سيارة بمناسبة خطوبتهما.. مفاجأة

نفت يارا خطيبة مطرب المهرجانات الشعبية مسلم، حقيقة إهدائها سيارة قبل فسخ خطوبتهما، وذلك من خلال منشور دونته بموقع تبادل الصور والفيديوهات إنستجرام.

وقالت يارا: إحنا اتصورنا في العربية كذا مرة ونزلناها، وهو في حد يجيب هدية لخطيبته عربية G Class؟، محدش جابلي عربية ودي كانت عربية اتصورنا فيها بس ولا بتاعتي ولا بتاعته، هي جاتلنا هدية في فرحنا واتصورنا فيها عادي، وأنا عندي عربيتي من الأول.

وتابعت: مسلم هو سبب شهرتي والناس كلها عارفة ده، وخطوبتي هي اللي شهرتني والناس عرفتني عن طريق مسلم وأنا مطلعتش كدبت ده ومحدش قال غير كده.

وأكدت: أنا مكنتش بحب جو الشهرة وبحب حياتي برايفيت، بس بعد ما لقيت كلام كتير عني مش صح حبيت الناس تعرف أنا مين وتعرف كل حاجة عني.

وأوضحت: بعد كده حبيت الناس وكنت خلاص الناس كلها عرفتني فقولت ليه لأ؟، بس ده مكنش هدفي خالص بصراحة ولا كان يفرق معايا.