كريم قاسم: بخاف من الجواز

كشف الفنان كريم قاسم، سبب عدم زواجه، وذلك خلال لقائه في ببودكاست "قهوة باللبن" مع جيلان علاء.

وقال كريم قاسم: أنا مش شخص تقليدي ولا اتربيت بشكل تقليدي، عمر ما أهلي قالولي تعالى في بنت هنعرفك عليها ولا جايبين ليك عروسة، ولا حتى أختي قالولها كده، معندناش المفهوم دا وكل واحد حر يعيش تجربته ومحدش جيه في يوم يسألني مش هتتجوز بقى.

وتابع: في أي علاقة مكنتش بوصل لمرحلة أن واحدة تقولي مش هنتجوز ؟، أنا خايف دي حاجة مطلقة أي راجل تقوليله هتروح تقابل أبو العروسة وعيلتها أنا بالنسبة ليا ده وأنا بحكي عنه جابلي ضيق تنفس، بقالي 10 سنين مدخلتش في علاقات عدت 9 شهور.

وأضاف: مش بفكر إني فنان وأخسر معجباتي، أنا مش مهتم بده لأنه مش أولوية أنا عندي شغف وبحب التمثيل وعايز أمثل وأخرج أيا كانت النتيجة.