أحمد صلاح حسني: تعمدنا إطلاق اسم الماموث على الفيلم لإثارة الجدل.. ولا أومن بالبطولة المطلقة.. خاص

كشف الفنان أحمد صلاح حسني، تفاصيل تقديمه دور البطولة المطلقة لأول مرة من خلال فيلم اوسكار الماموث.

وقال أحمد صلاح حسني، خلال لقائه مع "مصر الآن"، : في الحقيقة تعمدنا نطلق اسم غريب زي أوسكار الماموث على الفيلم علشان يعمل ضجة كبيرة ويثير الجدل والناس تعرفه أكتر، ولما يتعرض في السينمات والجمهور يشوفه هيفهم علاقة الاسمين ببعض.

وتابع: موافقتش على فيلم الماموث علشان هيكون بطولتي، لا أنا وافقت عليه لأنه عجبني جدا ولاقيت فكرته مختلفة ويعتبر دا أول عمل سينمائي خيالي جرافيك في مصر، وحابب أوضح أنني لا أومن بحاجة اسمها البطولة المطلقة، والمشاركين في العمل كلهم أبطال.

وأوضح أحمد: مش حابب احرق دوري، ولكن أنا بعيش قصة حب في الفيلم مع الفنانة الجميلة هنادي مهنا، ولأول مرة هيبقى دوري كوميدي بجانب الأكشن والرومانسي.

وأكد صالح حسني: كواليس فيلم الماموث كانت من أحسن الكواليس اللي شوفتها في حياتي بسبب الفنان محمد ثروت اللي مكنتش بقدر اجمع كلمتين قدام الكاميرا بسببه بيفضل يضحك فينا طول التصوير.