في ذكرى وفاته.. أسرة سمير صبري تطالب وزارة الثقافة بالحصول على مقتنياته لتوثيقها

أحيت ليلى أنسي ابنة خالة النجم الراحل سمير صبري، ذكرى وفاته الثانية التي تحل اليوم الإثنين، وذلك خلال مداخلة هاتفية لبرنامج السفيرة عزيزة.

وقالت ليلى، في المداخلة: كان كويس وبكامل أناقته قبل وفاته بيوم، ولما جاله الكانسر كان بيروح الصبح يأخد العلاج في المستشفى ويرجع يقعد معانا طول اليوم، وبالليل يخرج مع أصحابه.

وتابعت: ربنا يخليه لينا الرئيس السيسي لما عرف أن سمير تعبان نقله من المستشفى الخاصة لمستشفى المعادي، وهناك لاقى رعاية واهتمام من بعد ما كان تعبان ومش قادر يمشى أحيوه بعد ربنا من جديد بفضل رعاية الرئيس.

وأضافت: سمير كان عنده مكتب خاص بيه في إسكندرية، وعمره ما أتكلم معانا عن شغله نهائيًا، لكن المكتب بتاعه كان فيه كل حلقاته وكل شغله فياريت وزارة الثقافة تفتح المكتب ويأخدوا الحاجات بتاعته ويتم توثيقها.