محمد رمضان عن أحداث رفح: مكسوف لكل عربي لحد إمتى هنحارب بالموبايل

علق الفنان محمد رمضان، على الأحداث المؤلمة التي شهدتها مدينة رفح الساعات الماضية، وذلك من خلال نشره فيديو جديد له، على حسابه الشخصي، عبر موقع تبادل الصور والفيديوهات إنستجرام.

وظهر محمد رمضان، في الفيديو وهو يقول: والله مكسوف كسوف مش عايزة اقولكم، مكسوف لنفسي ومكسوف لكم ومكسوف لكل عربي، ربنا يرحم شهدائنا في رفح الأول ويشفي مصابيهم ويصبر أهاليهم.

وتابع: مكسوف لكل جريمة بشعة عقلنا مش بيستوعبها وقلبنا مبيتحملهاش اللي بنقدر نعمله أننا بنمسك الموبيل شوية ناس تصمم صور وتكتب اللي قلبها يقولها عليه، وناس تانيه تمنتج على موسيقى حزينه وناس تعمل فيديو، هو إحنا لامتى هنحارب بالموبايل، هنرجع كرامتنا بالموبايل إزاي؟، هندافع عن إخوتنا بالموبايل إزاي؟.. هنحررهم بالموبايل إزاي؟.