ماذا قال تامر حسني على طيرانه وسط الجمهور بحفله أمس؟

علق الفنان تامر حسني، على طيرانه مساء أمس في حفله بتقنيات تكنولوجيا، حيث نشر صورة له من الحفل على حسابه الرسمي، عبر موقع تبادل الصور والفيديوهات إنستجرام.

وكتب تامر، على الصورة قائلًا: حقيقي من أجمل الحفلات اللي استمتعت بيها في مدار مشواري، وأنا طرت النهارده لآخر شخص في الحفلة عشان أحاول أوصل وأكون قريب لكل واحد منكم، كانت مجازفة كبيرة وخطيرة بصراحة بس انتوا تستاهلوا التعب.

وتابع: كل الشكر لأخويا الفنان المحترم زاب ثروت، شرفتني يا حبيبي، وشكرا لكل عباقرة المسرح اللي تعبوا معايا النهارده، تاني حاجة.. كون إني أسجل النهارده أكبر رقم حضور جماهيري في تاريخ حفلات ZED رغم النجوم العالمين الأجانب اللي غنوا فيها حقيقي شرف كبير ليا وكرم كبير من ربنا ليا وبشكر جمهوري الكريم الراقي المحترم صاحب النجاح ده.