شيرين عبدالوهاب تؤكد تسريبات طليقها حسام حبيب: أخويا غدر بيا

أكدت المطربة شيرين عبد الوهاب، أن تسريبات طليقها الملحن حسام حبيب صحيحة وأن شقيقها محمد غدر بيها واستولى على أموالها.

وقالت شيرين عبد الوهاب، في تسجيل صوتي لبرنامج الحكاية الذي يقدمه الإعلامي عمرو أديب، : بأكد أن كلام حسام مظبوط وفعلًا أخويا باعني ومحمد شاعر مستولي على السوشيال ميديا بتاعتي بتوكيل كنت عملته لمحمد عبد الوهاب قديم، وكل الكلام مظبوط.

وتابعت: أنا مش بحب أتكلم عن مشاكلي الشخصية دلوقتي علشان ما اشغلش حد ومحدش يقول مش ورانا غير شيرين ومشاكلها، وآسفة إني بشغلكم بأخبار لكني اضطريت لأني صحيت لقيت السوشيال ميديا مقلوبة ومش عاوزة أضايقكم بأي أخبار عني سواء حلوة أو وحشة، لأني عارفة أن كل واحد عنه هموم ومشاكل.

وأضافت: وصدقوني مش قصدي بدليل إني كنت ساكتة ومش بتكلم في أي تصريحات، لكن أنتم أهلي وأثبتوا ليا كده وبتردوا غبتي وبتقفوا ليا غير كده ما تصدقوش أي إشاعات أو أكاذيب.