حسام حبيب لشيرين عبدالوهاب: ربنا ينصرك على أي حد ظلمك

وجه الملحن حسام حبيب، رسالة إلى طليقته شيرين عبد الوهاب بعد الأزمة التي تمر بها خلال الفترة الحالية، وذلك من خلال تصريحات صحفية.

وقال حسام حبيب: ربنا يقف معاكي ويجبلك حقك وينصرك على أي حد ظلمك، وأنا كنت دائما بسيبها على ربنا وعارف أنه أكيد هيجيب حقي وأكيد هيجيب حق أي حد مظلوم، وطبعا كتر خيرها، وكان لازم كلنا نسمع منها الكلام ده لأن من حقها أنها تكلم وتقول.

وتابع: تاني حاجة الناس لازم تفهم ليه شيرين متوقفة إنها تنزل أي حاجة على يوتيوب، وممنوعة من ممارسة حقوقها على منصاته واللي منعوها مش بس مستفيدين ماديًا، وكمان منعوها عن الشغل ومن التواصل مع جمهورها يعني بيضربوها في مقتل لأن الفنان إيه غير التواصل مع جمهوره.

وأضاف: شيرين فاض بيها الكيل واللي بيمنع فنان ده بيضره جدًا ماديًا ومعنويًا ونفسيًا وبيمنعه من التواصل مع جمهورها، وبيمنعه من طرح أغاني جديدة شوف الخسارة اللي عايشينها قد إيه.. سواء ماديًا ومعنويًا.. مين يعوضها.

وأوضح: ربنا ينصرها.. الموضوع دلوقتي أمام القضاء وأنا عندي ثقة كبيرة جدا في قضاء مصر وقضائنا المشرف، وكلنا عارفين أن القضاء بتاعنا عادل واحنا بنتكلم بمستندات ووقائع.

وأردف: في كذا طرف غلط في حق شيرين غلط كبير جدا جدا هيحاسب عليه القانون وأن شاء الله مش هنسيب حقنا من أي حد غلط في حق شيرين.