يعز عليا وقفة السبورة.. مدرس جيولوجيا يعبر عن حزنه بعد إلغاء المادة من المقرر الأساسي

أعرب محمد الصعيدي، أحد مدرسي مادة الجيولوجيا المعروف باسم " الجيولوجيا مع الصعيدي" للثانوية العامة ، عن حزنه بعد إلغاء المادة من المقرر الأساسي وجعلها مادة غير مضافه للمجموع.

وقال عبر منشور على فيس بوك:" اللهم إني اعوذ بك من زوال نعمتك،وأعوذ بك من تحول عافيتك،وأعوذ بك من فجاءة نقمتك،وأعوذ بك من جميع سخطك". 

وأضاف : " يعزّ عليا واللهِ وقفة السبورة وشرحي وصوتي اللي كان بيروح ووقفتي بعد كل حصة وتعبي وسهري ومجهودي في سبيل إني أقدم شيء ليه قيمة،يعزّ عليا فراق الناس،لكن أمر الله،الحمد لله".

وقال طلابه للمدرس تعبيراً لهم عن حبهم الشديد له :" لعله خير يا مستر ،عسي أن تكرهوا شيئاً و يجعل الله فيه خيراً كثيراً 
حقيقي يكفيك ان حضرتك سايب ذكرى طيبة في ذاكرة كل طالب اتعامل معاك ، كسبت حب ناس كتير و احترام ناس أكتر حقيقي على مدار السنين اللي فاتت فربنا يبارك لك يارب و يرزقك كل الخير ،حقيقي كلنا يعز علينا فراق حضرتك و مفتقدين شرح حضرتك و سبورتك و كلامك اللي بيدعمنا 
و لكن ،إن كان المنع من عند الله فهو قمة العطاء ،ربنا يكتب لك كل الخير يارب
"إن الله هو الرزاق ذو القوة المتين".

وأضاف أخر معلقاً على المنشور :" حضرتك تعز عالكل ي أستاذنا والله، وبجد حضرتك أكبر خسارة لأي مكان وربنا يكتب لك النجاح والسداد ف أي أمر تخطوه يارب ويجعل مقصدك كل الخير والنجاح.
فخورين كلنا بإننا ف يوم كنا طلبة لدكتور محمد الصعيدي،يكفي آثر حضرتك ال زي العبق والله ي أستاذنا ف نفوس كل طلبة حضرتك،المادة العلمية بقي ليها إسم علي إيدك حقيقي ويبخت من نال شرف علم حضرتك،بالتوفيق والسعة يارب أستاذنا الفاضل."