حسين الشحات: كان عليا ضغط وقت مشكلتي مع الشيبي ربنا يعلم بيه.. ومش عايزين نوصل موضوع فتوح لكده

تحدث حسين الشحات، لاعب الفريق الأول لكرة القدم بالنادي الأهلي، على حادثة أحمد فتوح، بجانب أزمته مع محمد الشيبي، نجم نادي بيراميدز، ورحيل إيهاب جلال.

وكتب حسين الشحات، عبر حسابه الرسمي على موقع التواصل الاجتماعي فيس بوك: "بسم الله الرحمن الرحيم والصلاة والسلام على رسول الله 
{واتَّقُوا يَوْمًا تُرْجَعُونَ فِيهِ إِلَى اللهِ ثُمَّ تُوَفَّى كُلُّ نَفْسٍ مَّا كَسَبَتْ وَهُمْ لاَ يُظْلَمُونَ}".

وتابع: "أنا عايز اتكلم في موضوع كلنا بقينا بنتكلم فيه بس ماحدش حساس ب حاجه الموت بقااا قريب مننا كلنا وناس كتير بقت تموت من كتر الضغط النفسي وشوفنا اخونا وصاحبنا احمد رفعت ربنا يرحمه يارب، وشوفنا الأب الروحي الكابتن ايهاب جلال، ربنا يرحمه يارب".

واضاف: "انا كنت من فتره قريبا لمشكلتي مع الشيبي وكان عليه ضغط ربنا وحده إلا كان عالم بيا وطلعت واعتزرت، ودلوقتي مش عايزين نوصل موضوع اخويا احمد فتوح لكده ونرجع نقول بعد كده ياريت كنا خفينا عليه فتوح غلط وقال انا غلط مش لازم نتكلم ونقول لا انت غلطان ونضغط عليه".

وأوضح: "اي راجل لما بيتطلع يعتذر ويقول انا غلط سامحوني اولا دي حاجه كبيره جدا عند ربنا والراجل طلع وقال أنا غلطان وعايز يروح ل اهل الميت ربنا يرحمه يارب ويصبر اهله واولاده يارب مش كل شويه نطلع ونقول حسين انت شتمت حسين انت غلط، نفس الكلام فتوح مش كل شويه نطلع ونقول انت غلطان".

واسترسل: "ادعي ل فتوح ربنا يهديه ويسامحه ادعي ل حسين ادعي ل اي إنسان بيغلط، و(كل بني آدم خطاء وخير الخطائين التوابون، ربنا يهدينا جميعا ويسامح الجميع يارب".

واضاف: "الدنيا مش مستاهله، واتقوا يوما ترجعون فيه إلى الله ثم توفى كل نفس ما كسبت وهم لا يظلمون ترقبوا وخافوا يوما يردكم الله سبحانه وتعالى إليه فلا تملكون من أموركم شيئا فيه".

واختتم حديثه قائلا: "اللهمّ إنّا نظن بك غفراناً وعفواً... وتوفيقاً ونصراً.. وثباتاً وتيسيراً.. وسعادةً ورزقا.. وشفاءً وحُسْنَ خاتمة..وتوبةً نصوحاً وعتقاً من النار..فهْب لنا مزيداً من فضلكَ.. يا واسِع الفضل والعطاء..
اللهم فرج كرب المكروبين واقض حاجات السائلين وتب على العصاة والمذنبين من أمة محمد اجمعين ياااااااااااااااااارب العالمين قولوا آمين".