"الفلوس آخر همي واتحرمت من كلمة إنتي طالق".. مي حلمي تتصدر التريند بتصريحات جريئة عن الزواج

تصدرت الإعلامية مي حلمي  مجددًا حديث السوشيال ميديا بتصريحات جريئة حول حياتها الشخصية والزواج والطلاق، خلال حوارها في برنامج "بالمايك والقلم" مع الإعلامي عبد العزيز أحمد.

وأكدت مي حلمي،  رفضها استغلال حياتها الشخصية لتحقيق "تريند" على السوشيال ميديا، حيث قالت: "أنا اتعرض عليا حوارات من 3 سنين، نص مليون جنيه علشان أتكلم عن حياتي، لكن أنا مش محتاجة فلوس وبعملها، ولو كنت عايزة أتكلم كنت اتكلمت".

وتطرقت "مي"، إلى موضوع الطلاق، قائلة: "قرار هدم البيت مش سهل، والست اللي داخلة تبني بيت مش هتاخد القرار ده بسهولة، خصوصًا لو الجواز بالنسبة لها مش سهل". 

وأضافت أنها لم تطلب الطلاق أبدًا، معلقة: "حتى كلمة 'إنت طالق' اتحرمت منها".

وأوضحت مي حلمي، أنها لا تهتم بفارق السن في العلاقات، ولكن تهمها "الدماغ"، وقالت: "السن مش فارق معايا، يهمني التفكير، ولو في سن الخمسين أتقبل بس يكون سينجل". 

وفيما يتعلق بالزواج، أكدت أنها تعتبره مسؤولية كبيرة، قائلة: "دي ورقة اتعلمت ما أمضيهاش تاني، محتاجة تفكير، ومحتاجة أسس وتربية وبيت طالع منه".