"بيسرق فلوسي وبيعطيها لضرتي".. أوجاع زوجة ثانية أمام محكمة الأسرة

"أنا اللي أستاهل مكانش ينفع أن أتهاون في حقي أو أرضى إن أكون زوجة ثانية وأنا بدفع الثمن أكتر من خمس سنين وأنا في ذل وإهانة وبعد كل دا بيسرق فلوسي علشان يصرف على مراته الأولى".. بهذة الكلمات بدأت الفتاة العشرينية تقص أوجاعها أمام محكمة الأسرة في الكيت كات بعدما ذاقت الذل بكل أنواعه على يد زوجها. 

وبوجه يعلوه الحزن أكملت الزوجة كلامها في دعوى الطلاق للضرر التي رفعتها ضد زوجها مؤكدة بانها انخدعت بكلامه المعسول فبالرغم من أنها كانت تعلم بزوجته الأولى ولكنها وقعت أسيرة في شباك حبه بعدما أقنعها بأنه سوف يعدل بينهما ويقسم الوقت بالتساوي فيما بينهم وكانت تعلم بأن هذه الحياة لن تكون الحياة المثالية ولكن حبها له كان الأقوى من اخيارات عقلها. 

"كل حاجة اتبدلت حبه ليها مات شوفت العذاب على يديه وأنا بشوف حبي ليه بينهار خلاص الحياة بقيت سودة وكان بيفضلها عني في حاجات كتير ومش بس كده دا كمان بيسرق فلوسي ويعطيهالها في الأول كان بيقولي مزنوق أنا عايز فلوس مكانش بيهون عليها كنت بعطيله فلوس كتيرة من مرتبي لغاية ما اكتشفت انه بيعطيها لمراته الأولى أنا خلاص مش قادرة أعيش معاه".. بهذه الكلمات أنته الزوجة حديثها أمام المحكمة في دعوة الطلاق للضرر من زوجها.