"كلّه غرق".. كارثة مائية في منزل الفنانة نورهان

أعلنت الفنانة نورهان عبر صفحتها الشخصية على "فيسبوك" عن غرق منزلها بسبب انكسار ماسورتين للمياه، مما أدّى إلى خسائر كبيرة داخل الحمام وأجزاء من غرفة النوم. 

وقالت نورهان : إمبارح رجعت من بره بفتح الباب سمعت صوت مية مفتوحة بفتح باب الحمام لقيت المية مغرقة الأرض ودواليب الحمام والأدراج والهدوم والفوط والعلاج وعلب الأدوية اللي شارياها من أمريكا بكميات عشان مفيش منها في مصر كله راح".

وتابعت وأضافت نورهان : خسائر بالجملة، اكتشفت أن فيه ماسورتين اتكسروا وخرجوا من مكانهم والدنيا غرقانة والمية طالعة بره الحمام ومغرقة نص أوضة النوم و تحت السرير، وقفت مذهولة كدة 5 دقايق وكلمت السباك وأنا بفكر إني لو كنت اتأخرت ساعة واحدة بس بره! زي ما بعمل كل يوم بعد الشغل بأفضل قاعدة بالساعة والساعتين أحيانًا عشان أحضر شغل اليوم اللي بعده"

ذكرت نورهان أن هذه الواقعة كادت أن تتحول لكارثة، لولا عودتها في التوقيت المناسب، حيث كانت قد تأخرت أكثر من ساعة خارج المنزل. 

وأفادت أن لديها تجارب مشابهة سابقة، مثل سقوط نجفة وتكسير زجاج بأرضية المنزل عند عودتها من السفر.