شيرين عادل تفتح النار على ويجز: "رامي صبري مش رقم 19"

ردت شيرين عادل، زوجة الفنان رامي صبري، على تصريحات مثيرة للجدل أطلقها المغني ويجز بشأن زوجها. 

ونشرت شيرين مقطعاً من مقابلة تلفزيونية لرامي على حسابها بـ"إنستجرام"، وأرفقت تعليقاً قوياً يعكس دعمها الكبير له، قائلة:"ده جزء من الحلقة اللى رامى اتكلم فيها عن الراب.. ومن هنا ورايح مش هسكت وهرد على أي حد يفكر يتكلم عنه تاني بأي طريقة مش عجباني.. أولاً رامي اتسال سؤال في برنامج ورد وعنده كل الصلاحية لأى رد أو إجابة على أي سؤال يعني مفيش اي مانع يخلي رامي لما يتسأل سؤال ميجاوبش"

وأفادت:" وثانيا رامي صبري ده يا حضرت فنان من أهم الفنانين فى الوطن العربى ومن أهم الأصوات ده لو حضرتك مش معانا في مجال المزيكا" 

وتابعت :"وبعدين والله يا ريت رامى عنده الوقت بتاع حضرتك الفاضى اوى بتاع ٥ شهور فاضى يا ريت كنا نتمنى".

أوضحت، أما بقى موضوع رامي رقم كام ده هو الحقيقة مش شاغل بال رامى أوي بس لو حضرتك شايف إن رامي رقم ١٩ مع الأسف الشديد لازم أقول لحضرتك تبقى أنت مش موجود على الخريطة من الأساس.. أغنية واحدة من رامى صبرى واحدة بس تعمل تاريخ لناس، محتاج تذاكر كويس وتعرف انت بتتكلم عن مين، قبل ما تتكلم لأنك واضح إنك عندك شغل تانى غير المزيكا".

واستكملت:" لأنك لو جوة الشغلانة كنت مش هتقول ولا كلمة من الكلام دة علشان الناس متضحكش عليك لأنك اتكلمت عن فنان بجد مش جاى يهزر، واخيراً لما تحب تعمل داعية لأغنيتك الجديدة ابعد عن اسم رامى صبرى أنا عارفة إن اسمه ممكن يخلى الأغنية ترند بس حاول الأغنية بتاعتك الجديدة تعتمد فيها على نفسك".

وأكدت  شيرين  في تعليقها أن رامي صبري يتمتع بمكانة فنية كبيرة في الوطن العربي، وأنه يمتلك كل الحق في الرد على أي سؤال يُطرح عليه. 

و انتقدت تصريحات ويجز، معتبرة أن هجومه محاولة لتسليط الضوء على أغنيته الجديدة باستخدام اسم رامي.

وأضافت شيرين أن رامي لا يهتم بالتصنيفات أو المقارنات، بل يركز على تقديم فن راقٍ، مشددة على أن أغنية واحدة لرامي قد تصنع تاريخاً بأكمله.