أفشة: الشوالي معلق كبير وتعليق القاضية ممكن ودى الجون في حتة تانية

علق محمد مجدي أفشة، لاعب الفريق الأول لكرة القدم بالنادي الأهلي، على تعليق عصام الشوالي، على الهدف الذي سجله في مرمى الزمالك، خلال بطولة دوري أبطال إفريقيا.

وأكد محمد مجدي أفشة في تصريحات تلفزيونية: "عصام الشوالي معلق كبير من أول دقيقة لاخر دقيقة في نهائي القرن، وكان مبدع وتعليق القاضية ممكن ودى الجون في حتة تانية واتواصل معايا وباركلي في يوم جوازي".

وتابع: "بعد نهائي القرن كان فيه جنان في اوضة اللبس، فضلنا نرقص ونحتفل ساعة كاملة واكتر حد كان فرحان كابتن سيد لانه مجنون اهلي، ويومها روحت البلد الناس شالتني لحد البيت وعمري ما انساها لاهل بلدي وزمايلي واليوم ده بالنسبالي كان احلى من يوم فرحي نفسه".

وأضاف: "التمرين بتاعنا النهاردة كان الصبح وطول اليوم في البيت وفاتح الفيس بوك انا حسيت ان عيد ميلادي النهاردة وانا بتابع الناس، انا بقيت بحتفل يوم الذكرى دي اكتر ما بحتفل في عيد ميلادي".