هكذا رد أحمد عيد على شائعات تجاهله من قبل الوسط الفني

نفي الفنان أحمد عيد ، ما أثير مؤخرا حول شعوره بالتجاهل من قبل الوسط الفني له، أو قلة الأعمال الفنية المعروضة عليه، بعد نشر صورة له تكريمه في مهرجان joy awards، الذي أقيم بالسعودية.
ونشر أحمد عيد عبر حسابه في موقع تويتر تغريدة قال فيها: "مساء الفل، لقيت تصريح متاخد من سياقه من كلام كان بيتقال بهزار، أنا حابب أوضح إني مقصدش أشتكي ولا أبان عندي مظلومية. أنا الحمد لله بيتعرض عليا شغل كتير وأنا اللي مش عايز أشتغل غير اللي شايفه كويس احتراما لنفسي وللجمهور.

وأكمل كلامه قائلا: "أنا مش فارق معايا أشتغل أصلا أو مشتغلش، المهم أعمل اللي أنا مقتنع بيه، أنا ماديا مش محتاج ولا عندي أي مشكلة الحمد لله، وكلامي بيتحور أحيانا عشان أبان بشتكي أو مظلوم ليه مش عارف"

وأضاف: "وبالنسبة للأخ اللي عمل تعليق على الصورة بيقولي مالك يا أستاذ أحمد عينك فيها حزن ليه وسايب دقنك وشنبك، عايز أقوله إن ده راكور عشان بصور حاليا، وبجد بشكركم كلكم على رسائل الدعم والمحبة".

وكان أحمد عيد قد حضر حفل توزيع جوائز Joy Awards بنسخته الثالثة في الرياض السبت الماضي.

وعبر أحمد عيد عن سعادته بحضور هذا الحدث وتواجده إلى جانب عدد كبير من النجوم العرب والأجانب، وقال في تصريحات تليفزيونية: "أنا مبقتش موجود على الساحة، واتفاجئت بدعوتي لـ حفل Joy Awards وفرحت إنهم افتكروني، ونفسي آجي تاني".