حرقاك يا محمد وهتنافس مدرسة ماما.. هجوم من وكيل مدرسة كابيتال بالتجمع على وزير التربية والتعليم

بعد شن مشاجرة واعتداء 3 طالبات على زميلة أدى إلى كسر أنفها بمدرسة كابيتال بالتجمع ، قرر محمد عبداللطيف وزير التربية والتعليم بوضع المدرسة تحت الإشراف المالي والإداري.

ولكن وجهت نرمين محمد وكيل المدرسة رسالة لوزير التربية والتعليم وقالت : ليه كل ده عشان حصلت خناقة بين بنتين واحده شتمت كارما والتاني ردت الشتيمة وضربت ، ونتج عنه شرخ في الأنف ، قامت الدنيا ماقعدتش وتحولت الخناقة لقضية رأي عام ، رغم إن إدارة المدرسة حولت ملف راوية الليثي من سنتين للوزارة عشان يتم فصلها فصل نهائي عشان واقعة ضرب ولم يتم قبول الطلب وقولتكم دوركم التربوي، كل ده بسبب نشر الفيديو اللي سبب هياج الرأي العام ، السؤال هنا ،هي المدارس اللي تحت الإشراف المالي مابيحصلش فيها خناقات ، ولا ماشية على الخط المستقيم ، واضح إن كابيتال كانت حرقاك أوي يا محمد يا عبداللطيف إحنا عرفنا دلوقتي أجندتك وإنك مش هتسمح لأي مدرسة إنها تنافس مدرسة ماما ، بس خد بالك الكرسي مش بيدوم والنهارده ليك وبكرة عليك ويوم ما هتبقى عليك الناس مش هترحمك".