علي معلول يعلق على استمراره داخل الأهلي

علق الدولي التونسي علي معلول، لاعب الفريق الأول لكرة القدم بالنادي الأهلي، على استمراره داخل الفريق الأحمر، وحديثه عن الفترة المقبلة.

وأكد علي معلول، في تصريحات له عبر قناة الأهلي: "أنا بالنسبة لي بعد الاصابة لم يكن عندي قلق، ولكن الاهل هما اللي عندهم قلق، وكنت واثق ان ربنا مش هيخيب ظني وكنت متأكد من حب الجمهور، ووقوفهم جنبي في الـ8 شهور، حتى وانا مش موجود في الماتشات".

وتابع: "كنت متأكد أن وحشهم زي ما هما وحشني بالظبط،  وكنت حريص دايما ان اطمن اهلي، وكانت الفترة صعبة عليهم اكتر مني، خصوصا مراتي وابني، اللي عنده 8 سنين لأنه بيقرا ويتابع، والحمد لله انهم شافوني في التمرين وبقيت كويس".

وأضاف: "الكابتن الخطيب علاقتي معه كويسة جدا، وتربطني علاقة حب واحترام، وهو عارف انا بحب الاهلي قد ايه، وعارف التضيحات اللي عملتها علشان اكون موجود في الأهلي، وهو موجود معايا من بعد الاصابة وكان معايا موجود يوم العملية، واطمن عليه واكد لي انه مش هيسيبني واني واحد من ولاد النادي".

وأوضح: "بالنسبة لي، طول ما مراتي وابني موجودين، مش بدخل قوي السوشيال ميديا، لكن زوجتي هي بتهتم قوي، وانا مش مركز في اي كلام بيتقال.. اول يومين في التمرين كانت رجلي مش مريحاني قوي، لكن انا بعد ذلك كنت عادي الامور بقيت عادية، انا بدأت الجري من فترة طويلة".

واختتم: "اول اسبوع كنت خايف شوية، وبعد اسبوع بدأت اشعر بتحسن في التمرين، ودلوقتي بقدر اعمل سبرينت 100% واقدر اعمل تاكلينج وانا النهاردة افضل بكثير، وكنت حاسس قبل مباراة النهائي إني ممكن أتعور معرفش ليه.. والإصابة جت في وقت صعب".