"إنتي مين علشان تتدخلي؟".. بدرية طلبة ترد على منتقديها بحدة

ردت الفنانة بدرية طلبة على الانتقادات اللي طالتها الفترة الأخيرة بعد ظهورها في أعمال فنية رغم وفاة جوزها، وكتبت في منشور شديد اللهجة بتهاجم فيه اللي بينتقدوها بسبب لبسها وتصرفاتها بعد الوفاة.

وقالت بدرية: "يا زبالة البشر، ستات وأشباه رجالة، ما تلموا نفسكم يا متسولين، منك ليها! أنتو مش بتصدقوا حاجة تعلقوا عليها؟ خلصتي العدة؟ لبستي ملون وجوزك متوفي؟ بتضحكي؟ حاطة مانكير؟"

وكملت كلامها بحدة: "آه، معنديش عدة، وآه، بعمل كل حاجة علشان شغلي، ولا علشان شوية جرابيع زيكم أقعد في البيت وأشوف راجل يصرف عليا؟ إنتي مين وإنت وهو علشان تدخلوا في حاجات ربنا وحده عالم بيها؟"

واختتمت رسالتها الغاضبة بقولها: "اللي مش عاجبه يلغي المتابعة، واللي شايف نفسه واعظ يشوف بيته وأهله، وأهلاً بالناس المحترمة اللي فاهمة وواعية."