ياسمين عز عن انتقال زيزو للأهلي: "شيلو الأحمر من البيت.. وطبطبوا على الزملكاوية"

سخرت الإعلامية ياسمين عز من موجة انتقالات لاعبي الزمالك إلى الغريم التقليدي الأهلي، وعلى رأسهم أحمد سيد "زيزو"، وذلك خلال تقديمها لبرنامجها "كلام الناس" على شاشة MBC مصر.

وقالت عز  ساخرة: "زيزو هيلبس الفانلة الحمرا، والزملكاوية هيعيشوا أيام صعبة.. الأهلي خد زيزو وبن شرقي وإمام، وفي كلام كمان عن مصطفى محمد"، مشيرة إلى ما يصفه البعض بـ"تفريغ الزمالك من نجومه"، وأضافت: "فهماني ولا بتحمّري البطاطس؟".

وتابعت برسالة موجهة لزوجات مشجعي الزمالك: "لو جوزك زملكاوي، طبطبي عليه وسيبيه في حاله.. شربيه كوباية لبن سخنة وقوليله خش نام، عشان يعدي المرحلة دي بسلام".

وفي ختام حديثها، طالبت النساء بإبعاد اللون الأحمر عن منازلهن، قائلة: "اللي كان كان.. وزيزو دلوقتي أهلاوي، وأي حاجة حمرا عندك في البيت شيليها من قدام جوزك".