هنا الزاهد: "الشغف بالشُهرة راح.. وبقيت عايزة أعيش زي الناس العادية"

ظهرت الفنانة هنا الزاهد في برنامج "ABtalk" مع الإعلامي أنس بوخش، وفتحت قلبها لأول مرة للحديث عن علاقتها بالشهرة، ونظرتها للجواز، وحياتها الشخصية اللي دايمًا بتخليها بعيد عن الكاميرات.

وقالت هنا: "زمان كنت بحب الشهرة، بس دلوقتي لأ. بحب شغلي آه، بس مش كل اللي حواليه، الشهرة بقت عبء مش ميزة. نفسي أعيش زي الناس العادية وأنزل أماكن من غير ما حد يطلب يتصور معايا. أنا إنسانة قبل ما أكون فنانة".

 وقالت إن الأهم فيه هو "الأمان والاستقرار"، وإن أصعب حاجة هي "البرود اللي بييجي بعد ما المشاعر تخلص". 

وأكدت إن اللي بيحب بجد لازم يكون صادق وواضح، لأن الكذب بيهدم أي علاقة.

أما عن آخر أعمالها، فشاركت في مسلسل "إقامة جبرية" اللي شاركها فيه البطولة أحمد حاتم وصابرين ومحمد الشرنوبي وغيرهم، وكان من تأليف أحمد عادل وإخراج أحمد سمير فراج.