بعد جدل إطلالته الأخيرة.. محمد رمضان يرد ساخرًا: "عمري مالبست واحدة ست"

في أول رد فعل له على العاصفة اللي أثيرت على السوشيال ميديا، خرج الفنان محمد رمضان عن صمته بفيديو نشره على صفحته الرسمية، بعد الجدل الكبير حوالين ظهوره الأخير في مهرجان "كوتشيلا" العالمي بأمريكا.

رمضان رد بأسلوبه المعتاد وقال: "عمري ما لبست لبس ست، لا في الحقيقة ولا حتى في أفلامي، واللي بيعمل كده حر في اختياراته، بس أنا موقفي معروف من زمان".

مازح جمهوره وقال: "آه لبست حلق في كليب، بس ده تمثيل.. إنما في الحقيقة لأ، ومحدش يقدر يزايد على محمد رمضان".

وبالنسبة للملابس اللي أثارت الجدل، علق ساخرًا: "يمكن مصممة الأزياء فريدة مكنش معاها فلوس تجيب طقم كامل.. بس أنا كنت على أهم مسرح في العالم ورفعت اسم مصر، وده اللي يهمني".

وأوضح رمضان، إنه اختار يسكت شوية علشان يركّز في عروضه ضمن فعاليات المهرجان، وقال: "كنت مشغول بحاجة أهم.. إني أمثل بلدي قدام العالم كله".

وختم كلامه بتعليق مثير للجدل كعادته: "محمد رمضان مابيستخدمش ملابس داخلية نسائية.. محمد رمضان بيفكها يا ليفة!".

يذكر إن محمد رمضان غاب عن موسم دراما رمضان الأخير، وكان آخر أعماله هو مسلسل "جعفر العمدة"، اللي حقق نجاح واسع وقت عرضه.