إنجي المقدم: لهذا السبب ذهبت لطبيب نفسي

قالت  الفنانة إنجي المقدم، إنها تعرضها للتحرش في صغرها، وهو ما عليها بشكل سلبي، كما بينت أنها سبق وذهبت لطبيب نفسي من أجل مساعدتها في بعض الأمور.

وقالت إنجي، في لقائها مع الإعلامية أسما إبراهيم، من خلال برنامج "حبر سري": "رحت لدكتور نفساني قبل كده وأنا مشوفتش فيها أي حاجة تكسف والمرض النفسي زيه زي أي تعب وبسبب تعب نفسي ممكن يجي أمراض عضوية".

وأضافت: "أنا بحب أفهم نفسي وأشتغل على نفسي ولو عندي مشكلة أو عقدة أفهمها وأوجها وأنا رحت لكذا دكتور لأني كنت محبطة وبمر بفترة صعبة".

وتطرقت بحديثها عن تعرضها للتحرش في سن صغير، قائلة: "تجربة التحرش في 16 سنة أثرت جوايا وعندنا حاجات في العقل الباطن وبتتخزن وبنعمل نفسنا مش واخدين بالنا بس بتطلع في أوقات وتتصرفي تصرفات غريبة، وده اثر عليا بس أنا بشتغل على ده وبتصالح مع نفسي عشان أقدر أعيش".

وتابعت: "قولت لأهلي لما حصلي تحرش وكانت صدمة كبيرة بس أهلي كانوا في ضهري بس الشغل على الأثر النفسي مشتغلناش عليه بس الجيل واهلنا مكنش عندهم الوعي".

واستكملت: "كان في موقف من أهلي بس الموقف عدى ومفيش حد اشتغل على الأثر النفسي ومؤخرا بتعامل معاه".