هادي الباجوري: "مش غلط مراتي تتباس في مشهد.. وأنا راجل صريح"

في تصريحات جديدة أثارت ضجة واسعة على مواقع التواصل، عاد المخرج هادي الباجوري ليدافع مجددًا عن وجهة نظره في مشاهد القُبل بالأعمال الفنية، مؤكدًا أنه لا يرى مشكلة في أن تشارك زوجته، إذا كانت ممثلة، في مشهد يحتوي على قبلة.

وقال "الباجوري" خلال لقائه في برنامج "سبوت لايت" على قناة "صدى البلد": "أنا بتفرج لحد النهاردة على أفلام أبيض وأسود فيها كل حاجة، ومش شايف إن البوسة في الفيلم مشكلة.. هي جزء من الحب. الناس عملوا فيلم كامل على بوسة في قمر 14!"

وأضاف: "أنا عارف العادات والتقاليد، ومش هدوس عليها.. بس برضو ماكذبتش لما قلت معنديش مانع مراتي تتباس في مشهد، لأني راجل واضح وباحترم شغلي وفني. وفعليًا، ماينفعش أطلب من أي ممثلة تعمل مشهد بوسة، ولما تكون مراتي أرفض! ده تناقض مش صح."