كارول سماحة توجه رسالة مؤثرة لابنتها: "انتي النفس اللي رح يخليني كمّل هالطريق"

شاركت النجمة اللبنانية كارول سماحة متابعيها بصور جديدة تجمعها بابنتها "تالا"، عبر حسابها الرسمي على فيسبوك، ووجهت من خلالها رسالة عاطفية حملت الكثير من المعاني عن الحب، الفقد، والانتماء.

وكتبت كارول: "الدني حلوة.. بس بلحظة ممكن تغدرنا ونخسر أغلى الناس.. وفجأة بحس حالو الإنسان غريب والمكان اللي بيعيش فيه فاضي ومهجور.. الوطن مش قطعة أرض وتراب وحجر.. الوطن هو الإنسان اللي منحبه".

وأضافت الفنانة بكلمات مؤثرة إلى ابنتها: "انتي يا تالا، الحب اللي زرعناه أنا وبيك بهالأرض.. إنت النفس اللي رح يخليني كمّل هالطريق معك.. وروح بيك عايش فيك، وإيدي بإيدك وأختك حدك رح نكتب قصتنا ونحقق الأحلام اللي رسمناها سوا، أنا وبيك".

كارول ختمت رسالتها بوعد مؤثر لابنتها: "بوعدك يا عمري، كون إلك الأمان والسند والحضن الدافي لآخر لحظة من عمري"، لتجسد من خلال كلماتها مزيجًا من الحنين والقوة، ولتبرهن أن الحب لا ينتهي برحيل الأحبة، بل يستمر في من نحبهم.