السبت 18 فبراير 2023 | 10:20 ص

لؤي: الفن مش بيجيب فلوس

شارك الان

حل المطرب لؤي ضيفًا على الإعلامية ياسمين عز في برنامجها كلام الناس، المذاع عبر شاشة قناة MBC مصر، وتحدث خلال اللقاء عن سبب ابتعاده عن الساحة الفنية، بجانب تفاصيل حياته الشخصية.
وجاءت تصريحات لؤي كالتالي: 
 - أنا لم أبتعد عن الوسط الفني، ولكن مع الأسف الناس بيحبوا تتبع المشاكل وعورات الغير، وبدل ما يبص للفن اللي بنقدمه بيبص للفضايح ومين أتجوز ومين أتطلق.
 - من سنة 2008 صناعة الموسيقى ضايعة خالص بسبب الإنتاج.
 - فيه أزمة في حقوق الملكية الفكرية، وبقينا كـ مطربين ننتج الأغاني لنفسنا وطبعا دي مسؤولية كبيرة خاصًة أننا عندنا بيوت وناس ورانا.
 - الأغنية عمرها ما بتجيب عائد الإنتاج، وصناعة الموسيقى كمان مش بتجيب فلوس.
 - مدحت صالح قال عليا مقصر في برنامج شهير، وهو فاهم كويس جدا إني مش مقصر وهو في الصناعة وعارف، ودي مش أول مرة يقول عليا كدا، الراجل من زمان بيحب صوتي وبيقول دا دايمًا.
 - أنا مش مقصر ولا مكسل، ولكن قعدت أتأمل لأني وحيد أمي وأبويا ومليش إخوات، وأتأمل في شئون البشر والدنيا دي إيه، وظروف صناعة الموسيقى حاليًا صعبة علينا كلنا.
 - أنا بحب أمي جدًا، وبستغرب لما أعرف أن فيه حد بيقعد 10 أيام مش بيشوف والدته.
 - لما خلفت اكتشفت أن أمي ووالدي ضحوا بعمرهم وصحتهم علشاني.
 - أنا مؤمن بالمساواة بين الرجل والمرأة في المشاعر والأحاسيس والحب.
 - مراتي لبنانية كنا في كلية واحدة وارتبطنا واتجوزنا، وهي صوتها حلو وبتكتب أغاني، وعملت لي أغنيتين قبل كدا.


استطلاع راى

هل تؤيد تشديد إجراءات اختيار سائقي النقل الخاص وإجراء فحوصات الكشف عن المخدرات لهم؟

نعم
لا

اسعار اليوم

الذهب عيار 18 2807.25 جنيهًا
سعر الدولار 48.50 جنيهًا
سعر الريال 12.70 جنيهًا
الاكثر قراءه