أحمد السقا: سليمان عيد كان عمري.. ومقدرتش أدفنه بإيدي بعد 26 سنة عشرة

كشف الفنان أحمد السقا عن الجانب الروحاني في شخصيته، وفسّر سبب تقربه من الدين، قائلاً: "النزعة الدينية فطرة جوا أي إنسان، سواء مسلم أو مسيحي.. أنا مش شيخ ولا مفتي، لكن ببساطة إنسان بيخاف ربنا".

وشارك السقا بعادته المؤثرة في حضور الجنازات، اللي بدأها من وقت وفاة جده وهو لسه طالب في أولى إعدادي، وقال إنه بيحرص على التواجد وقت دفن الراحلين، لأنها لحظة بتفكره بالحقيقة الوحيدة في الحياة.

وتحدث عن أصعب موقف مرّ عليه، وهو وفاة صديق عمره الفنان سليمان عيد، قائلا: "كان أول مرة مقدرتش أنزل القبر.. قالولي انزل، قلتلهم مش قادر، الناس استغربت، بس قولتلهم ده عمري، 26 سنة ما سبناش بعض ولا يوم".

وأضاف الموت مش شيء مرعب، لكنه يقين لازم نكون مستعدين له، قائلا: "الموت حق، وله بروتوكولات، سواء وفاة طبيعية أو حادث، وأنا اتعلمتها".

واختتم كلامه بجملة طريفة ومؤثرة في نفس الوقت لما اتسأل عن سبب اهتمامه بتفاصيل الدفن، قائلا "أنا معروف بالجدعنة.. فأكيد يوم ما أموت، هدفن نفسي".