شريف مدكور: "ماعنديش مانع أتجوز وأنا 60 سنة من غير عيال ولا مسئوليات"

 تحدّث الإعلامي شريف مدكور عن وجهة نظره في الزواج والإنجاب، كاشفًا عن مواقف شخصية تشكّل رؤيته الحالية، وذلك خلال استضافته في بودكاست "ع الرايق" مع خالد عليش وميرهان عمرو.

وأوضح مدكور أنه لا يمانع فكرة الزواج في المستقبل، لكنه يراها مناسبة أكثر بعد بلوغه الستين، قائلاً: "لو اتجوزت، عايزها تكون ست عندها أولاد كبار في الجامعة أو بيشتغلوا، نخرج ونتفسح من غير وجع دماغ".

وعن سبب تأجيله للزواج حتى الآن، قال: "أنا من برج العذراء، ومش عاطفي، وعشرتي صعبة. صعب جدًا حد يعيش معايا حتى 48 ساعة". 

وأضاف: "بعاني من الوسواس القهري ومبحبش حد ينام جنبي أو يستخدم الحمام بتاعي، حتى الكلاب اللي بربيها مش بدخلهم البيت".

وفيما يخص فكرة الزواج من أجنبية، رفض مدكور الأمر بشكل قاطع، مؤكدًا: "مش هتجوز واحدة مش مصرية".

أما عن الأبوة، فصرّح: "كنت زمان بفكر أخلف، لكن دلوقتي كبرت ومعنديش طاقة ولا خلق لموضوع العيال والصويت".

واختتم شريف مدكور حديثه بالإشارة إلى أنه يعيش مع أسرته وكلابه، قائلاً: "عايش مع أهلي، ومعايا 18 كلب، 17 منهم من نوع سويسري زي الكلبة لاسي، لكن محدش منهم بيلمسني".