ميدو يُشيد بإدارة الزمالك الجديدة: ما يحدث عظمة.. والفريق يسير على الطريق الصحيح

وجّه النجم الزملكاوي السابق وعضو لجنة التخطيط الأسبق، أحمد حسام ميدو، رسالة قوية عبر حسابه على منصة "إكس" (تويتر سابقًا)، مُشيدًا بالتحولات الجارية داخل أسوار نادي الزمالك، خاصة بعد تولي جون إدوارد مهمة المدير الرياضي.

وكتب ميدو: "اللي بيحصل في الزمالك دلوقتي عظمة وطول عمري بحلم إن فريق الكورة يتقفل عليه ويبقى معسكر الزمالك كأنه ثكنة عسكرية، وأنا متفائل خير إن فريق الكورة على الطريق الصحيح".

وهاجم ميدو ظاهرة تسريب أخبار الفريق التي عانى منها النادي طويلًا، قائلًا: "بقالنا سنين بنعاني من تسريب أخبار الفريق، بقالنا سنين بنعاني من الناس اللي فاكرين الزمالك ورث شرعي وإن الشغل فيه حق مكتسب حتى ولو ماعندكش أي مؤهلات".

وأوضح ميدو موقفه الحالي من النادي، مؤكدًا أنه لا يمتلك أي مصلحة شخصية مع أحد داخل الإدارة الحالية: "أنا والله ما ليا مصلحة مع أي حد جوه النادي دلوقتي، ولا حتى بتكلم مع أي حد جوه النادي، لا بكلم حد ولا برد على حد، وقررت إن الفترة الحالية أرجع مشجع بس، أرجع أروح ماتشات الزمالك من غير ما يكون ما بيني وما بين أي مسؤول في النادي أي كلام".

واختتم نجم الزمالك السابق رسالته بتفاؤل كبير: "وأنا كزملكاوي مبسوط جدًا ومتفائل إن شاء الله الزمالك بنظامه الاحترافي الجديد هيكون منافس قوي على كل البطولات اللي هيشارك فيها الموسم ده".