رسالة نارية من أحمد سيد زيزو يفاجئ الجميع.. تفاصيل

نشر اللاعب أحمد سيد زيزو، لاعب الأهلي، رسالة مطولة عبر خاصية "الستوري" على حسابه الرسمي على "إنستجرام"، ردًا على الانتقادات والهجوم الذي تعرض له مؤخرًا.

وكتب زيزو في تدوينته: "السؤال الوحيد والأوحد اللي مش عايز يطلع من دماغي ونفسي ألاقي له إجابة! هو بجد لما حد يخوض في عرض الناس ويقعد يشتم فيهم ويسب ويتنمر و و و دا بيعود ولا بيرجع عليه بإيه! هل بيروح البيت بيلاقي بيته اتغير، طيب بيبص تحت بيته بيلاقي العربية اللي نفسه يجيبها؟ طيب ولاده وصلوا للمكانة اللي بيتمناها؟ طيب عيش أبوه وأمه في حاجة يستحقوها! مش قادر أستوعب فعلاً الموضوع".

وتابع زيزو رسالته قائلًا: "بلاش أنت، هل اللي بتخوض في عرضه دا وبتشتمه وتتنمر عليه بيصحي بعد شتيمتك دي مش شغال نفس الشغلانة؟ معندوش نفس البيت؟ طب والعربية؟ حياتكم يعني اتغيرت؟ الإجابة لا!! طيب ليه بتعمل كده، عمال تكبر وتكثر في ذنوب الله أعلم هتعرف تمسحهم ولا لا ومفيش حاجة على أرض الواقع بتتغير بعد الشتيمة دي كلها؟!"

واختتم اللاعب رسالته موجهًا نصيحة لمنتقديه: "مش بتشوف كل الناس اللي فجأة مبقوش حواليك؟ دي مش حاجة تخليك تتعظ! تخليك تفكر أنا بعمل كده ليه وعشان إيه! فكر كويس عشان والله ما في حاجة مستاهلة، اعرف إن رزقك كده كده ربنا كاتبه لك وأنت بتختار الطريقة اللي بيجيلك بيها الرزق فخليها دايماً طريقك كويسة وافتكر دايماً إنها مش دايمة، صباحكم جميل".